Gjykata Supreme e Mbretërisë së Bashkuar ka vendosur që Kryeministri britanik Boris Johnson ka vepruar në mënyrë të paligjshme kur vendosi të pezullojë parlamentin për pesë javë, duke e zhytur Britaninë në një krizë kushtetuese.
Presidenti i Gjykatës Supreme të Britanisë së Madhe, Lady Hale, duke dhënë gjykimin të martën tha se këshilla e Johnson për Madhërinë e saj ishte “e paligjshme, e pavlefshme dhe pa asnjë efekt”.
Të gjithë 11 gjykatësit ishin unanimë në vendimin se kryeministri ndaloi ligjvënësit të kryejnë detyrat e tyre.
Gjykatës në Londër iu tha se qeveria nuk ka qenë në gjendje të justifikojë gjatësinë e shtyrjes së punimeve të parlamentit.
Qeveria e Mbretërisë së Bashkuar kishte argumentuar se shtyrja e punimeve nuk ishte çështje për gjykatat, por kritikët pretendonin se Johnson po përpiqej të kufizonte sasinë e kohës që ligjvënësit mund të kishin për të shqyrtuar politikën e Brexit të Kryeministrit.
Parlamenti u pezullua në 9 shtator dhe deputetët nuk do kishin mundësinë të thonin fjalën e tyre mbi Brexit deri më 14 tetor.
