Ministria e Brendshme u ka bërë thirrje të gjithë atyre që kanë nevojë për ndihmë që të telefonojnë në numrin 112.
Ndërkohë sipas ministrisë, deri tani nuk ka persona të lënduar apo dëme të rënda materiale.
“Pas lëkundjeve të tërmetit të rënë pak minuta më parë, Ministria e Brendshme, në bazë të raportimeve të para që ka marrë nga Drejtoritë Vendore të Policisë, Shërbimet Zjarrfikëse dhe Prefekturat, njofton se nuk ka persona të lënduar dhe as dëme të rënda materiale.
Të gjitha strukturat e rendit janë në gatishmëri të plotë dhe do të marrin çdo masë për të qenë pranë dhe në shërbim të qytetarëve.
MB dhe Policia e Shtetit fton këdo që ka nevojë për ndihmë, të telefonojë në nr falas 112.
Ky është njoftim paraprak dhe pas thellimit të informacionit do të japim të dhëna të tjera.”
