Një ngjarje e rëndë ka ndodhur në Milano, ku një burrë me origjinë shqiptare, u gjet i varur në një pemë në park.
Sipas medieve italiane, ngjarja ka ndodhur pasditen e së dielës, rreth orës 4:45 pasdreke.
Një kalimtar njoftoi policinë për një person të varur në një pemë, por kur kjo e fundit dhe ambulanca mbërritën në vendngjarje nuk mundën të jepnin ndihmë për të.
Personi kishte gjetur vdekjen, pasi ishte varur në një pemë 9 metra mbi tokë.
Parku në të cilin u gjet viktima, është gjithashtu shumë i populluar nga fëmijët.
Është dashur ndihma e zjarrfikëses për të zbritur trupin e pajetë të 35-vjeçarit, identiteti i të cilit nuk bëhet me dije.
Paraprakisht dyshohet se bëhet fjalë për vetëvrasje, pasi burri ishte varur me rripin e pantallonave të tij.