Presidenti amerikan, Trump, nuk shqetësohet për kryeministrin e Mbretërisë së Bashkuar, Boris Johnson, dhe Brexit pasi BoJo “di si të fitojë”, ka thënë ai.
“Ai është një mik i imi dhe ai do ia dalë mbanë me këtë, nuk ka asnjë diskutim në lidhje me këtë.” – tha Trump të mërkurën, kur u pyet nëse po ndjek zhvillimet e sagës së Brexit.
“Boris di si të fitojë. Mos u shqetësoni për të.” – shtoi Trump.
Drejtimi i Johnson për Brexit po kontestohet nga ligjvënësit, përfshirë nga disa prej kolegëve të tij konservatorë.
Të martën, 21 deputetë konservatorë u rebeluan kundër qeverisë dhe iu bashkuan opozitës duke kërkuar një mocion për të marrë nën kontroll axhendën, në mënyrë që të detyrojnë një zgjatje të procesit të largimit nga BE.
