Maturantët mbetës ose të cilët nuk kanë patur mundësi t’i nënshtrohen provimit të Gjuhës së Huaj që në qershor, do të kenë mundësinë t’i nënshtrohen sot këtij provimi.
Procesi i zhvillimit të provimit do të jetë i njëjti dhe shkalla e vështirësisë po ashtu. Provimi do të zgjasë 2 orë e gjysmë dhe do të përbëhet nga 32 pyetje, nga të cilat rreth 20 me alternativë.
Sezoni i vjeshtës për maturantët nis sot me 27 gusht për gjuhën e huaj dhe do të vijojë me atë të Gjuhës Shqipe për 30 gusht, në datën 3 shtator ata do t`i nënshtrohen testit të Matematikës dhe në datën 6 shtator Provimit me Zgjedhje.
Ata që do të kalojnë provimet dhe do ta kenë mesataren mbi 6.5 mund të aplikojnë për në Universitet në raundin e dytë.
Sakaq për maturantët që e kanë hequr këtë siklet dhe presin përgjigjet e pranimeve në universitet, do të kenë mundësi t’i mësojnë në datën 30 gusht.
Sot dekanët e katër fakulteteve të Universitetit të Tiranës pritet të mbajnë një konferencë për shtyp lidhur me pranimet në institucionet e tyre.
