Pas akuzave të modelit Josh Kloss, këngëtarja Katy Perry akuzohet për herë të dytë për ngacmim seksual.
Sipas Popcrush, këtë herë akuzuesja është një prezantuese ruse, e quajtur Tina Kandelaki, e cila pretendon se ylli i popit e ngacmoi në një festë. Ajo pretendon se Perry ishte e dehur dhe u përpoq ta puthte dhe ta prekte në mënyrë jo të duhur.
“Një herë isha e ftuar në një festë private me Katy Perry, ku ajo, duke u treguar shumë e paqëndrueshme, më zgjodhi mua si një objekt për manifestimin e pasionit të saj”, tha prezantuesja sipas faqes së internetit StarHit.
“Arrita të luftoj, stërvitja nuk kishte qenë e kotë dhe Katy menjëherë gjeti një viktimë të re për puthje, përqafime dhe kërcime të ndyra”, vijon ajo.
Është e paqartë kur ka ndodhur ky incidenti, por Kandelaki është frymëzuar për të folur për ngjarjen pasi modeli Josh Kloss e akuzoi këngëtaren se i kishte nxjerrë organin gjenital në publik gjatë një feste.
Perry ende nuk i është përgjigjur këtyre akuzave, por një ish-koleg i saj, Anderson Davis, e ka mbrojtur duke thënë se ajo është treguar profesionale kur ata punuan së bashku në 2008-ën.
