Anija humanitare spanjolle, e cila tashmë shtatë ditë bart 121 migrantë në Mesdheun Qendror dhe pret një port të sigurt që të ankorojë, kërkoi ndihmë nga anëtaret e Bashkimit Evropian (BE), Spanja, Franca dhe Gjermania.
Organizata Open Arms njoftoi se u ka dërguar letra qeverive të tre vendeve duke kërkuar prej tyre që të kërkojnë nga Komisioni Evropian të gjejë zgjidhje për problemin e tyre.
Anija momentalisht gjendet afër ishullit italian Lampedusa, ndërsa e ka të ndaluar hyrjen në portet e Italisë dhe Maltës.
“Edhe njëherë përsërisim për emergjencën e gjetjes së portit të sigurt në të cilin mund t’i ankorojmë këta njerëz në pajtim me marrëveshjet ndërkombëtare, veçmas lidhur me deklaratën për të drejtat e njeriut e cila potencon të drejtën për jetë”, tha Anabel Montes, shefe e misionit të anijes së shpëtimit Open Arms.
