Policia ka arritur t’iu vijë në ndihmë 15 pushuesve të cilët rrezikonin mbytjen në 3 raste ditën e sotme.
Në grykën e Vilunit 5 shtetas rrezikonin mbytjen por me ndërhyrjen e policisë kufitare iu dha ndihma e parë. Po në këtë vend edhe 9 turistë Çekë u shpëtuan nga mbytja.
Ndërsa në rastin e tretë një pushues në Sarandë u shpëtua pasi rrezikonte të humbiste jetën nga dallgët e forta të detit.
Njoftimi i Policisë Kufitare dhe FNSH-së:
Policia Kufitare dhe FNSH ju vijnë në ndihmë pushuesve dhe turistëve, duke ndërhyrë në tre raste të vështira.
Falë ndërhyrjes së shpejtë nga Policia Kufitare dhe FNSH, u është dhënë ndihma e parë 5 shtetasve nga Shkodra dhe Kosova në grykëderdhjen e Vilunit në lagunën e Rrjollit, të cilët rrezikuan mbytjen. Pesë shtetasit u transportuan për në qëndrën spitalore, ku gjendja shendetësore e tyre është jashtë rrezikut për jetën.
Po në të njëjtin vend u dha ndihma dhe 9 shtetasve Çekë të cilet kishin ngelur të izoluar dhe në momentin që donin të kalonin grykëderdhjen e Vilunit, jeta e tyre u vu në rrezik. Falë ndërhyrjes së Policisë të 9 shtetasit kanë dalë në breg pa asnjë problem për jetën.
Njëkohësisht edhe në Sarandë, Policia Kufitare ka shpëtuar një plazhist i cili u rrezikua të mbytej si pasojë e dallgëve të detit.
