Ndërron jetë një nga të plagosurit në shpërthimin e transformatorit të tensionit të lartë pranë një godine në ndërtim në autostradën Tiranë-Durrës.
Shpërthimi i transformatorit të tensionit të lartë, ndodhi rreth orës 12 të ditës së sotme duke bërë që 3 punëtorë, Gjergji Sula, Sari Çollaku dhe Fari Çollaku të ishin në gjendje të rëndë shëndetësore.
Fatkeqësisht njëri prej të lënduarve, Gjergji Sula nuk u ka mbijetuar dot plagëve të marra.
“Rreth orës 12.00, në autostradën Tiranë – Durrës në afërsi të një objekti në rekonstruksion si pasojë e një shkëndie elektrike ka shpërthyer një transformator elektrik.
Si pasojë e shpërthimit kanë mbetur të dëmtuar 3 punonjës e këtij objekti shtetasit GJ. S, S. Ç dhe F. Ç të cilët u dërguan në spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e metejshëm të rrethanave të ngjarjes.”, jep detaje policia.
