Aksident i rëndë në aksin Tiranë-Vorë. Pasagjerja humbet jetën, në gjendje të rëndë drejtuesi i mjetit.
Një furgon mallrash është përplasur sot me një nga bordurat e rrugës, pasi drejtuesi ka humbur kontrollin, megjithëse nuk dihet ende shkaku i aksidentit.
Nuk dihet ende identiteti i viktimës së aksidentit, ndërsa drejtuesi A.K, 28 vjeç po lufton për jetën, pas transportimit në spital.
“Në rrugën dytesore Vorë-Tiranë një furgon që shërbente për transport mallrash me drejtues shtetasin A.K.,rreth 28 vjeç ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes ka ndërruar jetë pasagjerja e mjetit e cila prej dëmtimeve të rënda të shkaktuara nuk është identifikuar, ndërsa drejtuesi i mjetit ndodhet në SQU nën kujdesin mjeksor në gjëndje kritike për jetën.
Grupi hetimor vijon punën për zbardhjen e rrethanave dhe shkakut të aksidentit.”, jep detaje policia.
