11 persona kanë humbur jetën gjatë një aksidenti me avion në Hawaii. Avioni i vogël u rrëzua gjatë një eskursioni me parashutë dhe shpërtheu në flakë për shkak të përplasjes.
Sipas “CNN” në bord ndodheshin punonjësit e “King Air” dhe tre klientë. Mes viktimave ishte edhe parashutisti profesionist Larry Lemaster, një veteran i ushtrisë me më shumë se 3000 kërcime me parashutë.
Gruaja e tij Anne Elkins shkriu në “Facebook” se ai vdiq “duke bërë atë që donte”.
“Sot është dita më e keqe e jetës time. Djali im ka humbur babanë. Ai do të dëshironte që ju të festonit për jetën e tij dhe tuajën. Duajini fort njerëzit tuaj të dashur. Bëni atë çfarë ju bën të lumtur. Bëhuni personi që doni të jeni, sepse e nesërmja nuk është e garantuar”, shkruan Anne në dedikimin prekës.
