Situatë tejet e tensionuar në Kukës ku qindra qytetarë kanë kërkuar të futen me forcë brenda mjediseve të KZAZ-së për të marrë që aty materialet zgjedhore e për të liruar mjediset pas vendimit të presidentit Meta për shtyrjen e zgjedhjeve.
Menjëherë aty kanë mbërritur efektivët e FNSH-së të cilët kanë hedhur gaz lotsjellës për të shpërndarë qytetarët.
Situata vijon të jetë e tensionuar me efektivët e FNSH-së që janë mbyllur brenda mjediseve të KZAZ-së dhe qytetarët që qëndrojnë jashtë duke pritur të futen brenda.
Qytetarët i kanë vënë kavon derës së KZAZ-së dhe e kanë shkulur atë nga vendi. Gjatë përplasjes është lënduar një efektiv i policisë bashkiake të Kukësit i cili është larguar me shpejtësi nga vendi i ngjarjes për t’u dërguar në spital.
