Vendosni fjalën kyçe....

Hajdari dhuron pagën e një muaji për dritaret e djegura në Shkodër: Veprime servilësh


Deputetja demokrate, Rudina Hajdari, ka vendosur të dhurojë pagën e një muaji për riparimin e dritareve të shkollës në Shkodër, që u dëmtuan pas djegies së KZAZ-së në këtë qytet.

Ajo tha se akti nuk është kryer nga demokratët e socialistët por nga servilët e kryetarit.

‘Të dashur demokratë, djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare.

Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokratë dhe as socialistë por thjesht servila të kryetarit dhe shpresojnë që në të ardhmen të shpërblehen me parimin: ‘Kush djeg dhe shkatërron më shumë bëhet drejtor ose doganier’.

Le të jetë paga ime fillimi i një fushate ndërgjegjësimi nga çdo shqiptar që kërkon një Shqipëri si Europa.

Me respekt,

Rudina A. Hajdari’