Vendosni fjalën kyçe....

Kandidati për kryeministër: Me apo pa marrëveshje Britania del nga BE në 31 tetor


Boris Johnson, njëri nga kandidatët kryesorë për kryeministër të ardhshëm të Britanisë së Madhe, premtoi të hënën se do ta udhëheqë vendin e tij drejt daljes nga Bashkimi Evropian më 31 tetor, pavarësisht miratimit apo dështimit të marrëveshjes për Brexitin.

Kryeministrja aktuale e Britanisë, Theresa May, pritet të japë dorëheqje të premten për shkak të dështimit për ta çuar deri në fund procesin e Brexitit. Ajo po e lë pas vetes një vend të përçarë dhe një parlament që nuk ka arritur konsensus për të ardhmen e ekonomisë së pestë më të madhe në botë.

Johnson, ish-ministër i jashtëm që kishte dhënë dorëheqje në shenjë proteste për mënyrën e trajtimit të Brexitit nga kryeministrja May, po cilësohet si favorit për ta fituar garën me shumë kandidatë për kreun e qeverisë.

“Nëse hyj në qeveri, do të largohemi nga BE-ja më 31 tetor, me apo pa marrëveshje”, tha ai. Më parë, edhe presidenti i Francës, Emmanuel Macron, kishte thënë se 31 tetori është data e fundit për Brexitin dhe se nuk mund të ketë shtyrje tjera të afatit.

Deklarata e tij erdhi në kohën kur Britaninë e Madhe po e viziton presidenti i Shteteve të Bashkuara, Donald Trump, i cili ka thënë se Johnson do ta bënte një punë shumë të mirë si kryeministër i shtetit ishullor, shkruan “Reuters”.


Leave a Reply

Your email address will not be published. Required fields are marked *