Vendosni fjalën kyçe....

“Shqipëria e treta në botë për numrin e azilkërkuesve, PD do rikthejë shpresën” – Tabaku


Ish-deputetja e Partisë Dmeokratike Jorida Tabaku ka reaguar lidhur me të dhënat e fundit për numrin e azilkërkuesve shqiptarë.

Tabaku thotë se Shqipëria është vendi i parë në rajon për numrin më të lartë të azilkërkuesve dhe i treti në botë.

“Kjo mazhorancë po e bjerr Shqipërinë nga shqiptarët. Shqipëria e para në rajon dhe e treta në botë për numrin e azilkërkuesve!

Sa më e zhurmshme bëhet propaganda e qeverisë aq më shumë shqiptarët largohen nga gjoja parajsa e rilindjes që shfaqet në ekranet e televizive apo median personale të kryeministrit. Të dhënat e institucioneve ndërkombëtare raportojnë se Shqipëria është vendi i parë në rajon sa i takon azilkërkuesve.

Nga janari i këtij viti deri në mars janë 6267 shqiptarë që kanë kërkuar azil në vendet e BE ndërkohë që rastet e mbajtura në shqyrtim i kalojnë 10 mijë kërkesave për azil. Sipas statisitkave shqiptarët përbëjnë 4% të totalit prej 55 mijë azilkërkues për marsin 2019.

Kjo plagë e thellë dhe e dëmshme për shoqërinë tonë dhe për të ardhmen e vendit vazhdon të dëmtojë popullatën e vendit duke e bjerrur atë përditë e më shumë. Janë 43 mijë shqiptarë që kanë kërkuar azil nga viti 2017 deri në 2018 ndërsa numrat në rritje për vitin 2019 na rendisin si vendi me më shumë azilkërkues pas Irakut, Iranit dhe vendeve të tjera që janë në konflikt.”, shkruan Tabaku.

Sipas ish-deputetes, këto nuk janë të dhëna të cilat mund të blihen nga opozita shqiptare ndërsa shton se ka vetëm një zgjidhje për shqiptarët.

“Janë këto shifra që nuk blihen dhe as nuk paguhen nga opozita që ofrojnë panormaën më dramatike të Shqipërisë sonë. Një vend që lëngon dhe tkurret përditë e më shumë nga largimi i shqiptarëve sepse nuk shohin shpresë. Gjendja e rënduar ekonomike, gjendja e rënduar e qeverisë së korruptuar, përqëndrimi i çdo pushteti ekonomik në duart e oligarkëve si dhe atij politik në duart e një mazhorance të korruptuar, ka zhbërë në themel mobilitetin shoqëror dhe mundësinë për të jetuar në Shqipëri.

Beteja e Partisë Demokratike është kthimi i besimit tek secili prej nesh. Çlirimi i ekonomisë nga kthetrat e oligarkëve që kanë mbytur ekonominë e tregut duke e centralizuar. Çlrimin e politikës nga inkriminimi dhe betejë e pakompromistë ndaj korrupsionit dhe krimit. Unë e di që duhet të merren vendime të rëndësishme, e di që nuk do të jetë e lehtë për te rikthyer shpresën, por zgjidhje tjetër nuk ka! Ose ta ndërtojmë këtu Europën tonë, ose ta lëmë Shqipërinë të degradojë në një rrugë pa kthim! Shqiptarët do të zgjedhin të parën!”, shkruan Tabaku e cila krahas shkrimit ka publikuar dhe tabelën me shifrat.


Leave a Reply

Your email address will not be published. Required fields are marked *