Në këtë ditë Pashke për besimtarët katolikë e ungjillorë, kryedemokrati Lulzim Basha u shfaq nga kisha e Shën Ndout në Laç, duke i uruar ata.
“Nga zemra i uroj të gjithë besimtarët katolikë e ungjillorë dhe gjithë shqiptarëve kudo që janë: Gëzuar e për shumë vjet Pashkët!”, tha Basha.
Por ajo që bie në sy është forma e re e komunikimit të Bashës me shqiptarët në rrjetet sociale.
Prej disa kohësh, që pas daljes nga Parlamenti, kryedemokrati ka nisur të përdorë një metodë të re për të transmetuar, video-selfiet.
Edhe herë të tjera, gjatë këtyre javëve Basha ka dhënë mesazhe të drejtpërdrejta, duke qenë i vetëm përballë celularit të tij. Siç shihet, numri i ndjekësve dhe komentuesve të videove selfie ka një rritje të konsiderueshme në profilin e kryedemokratit, duke marrë nga Basha një ndjesi më personale, zhveshur nga formalizmi i deklaratave politike.
