Shumë u përfol se arsyeja e ndarjes së këngëtares Lady Gaga ishte Bradley Cooper, por revista “US Weekly” sugjeron ndryshe.
Gaga nuk doli kurrë me Cooper sepse ai e kishte një familje dhe e gjithë kimia në performancat e tyre të “Shalloë” sipas këngëtares ishte thjesht aktrim.
Sipas revistës, Gaga dhe ish-i fejuari Christian Carino nisën të kishin probleme, pasi ai ishte shumë xheloz dhe nuk e linte të lirë në karrierën e saj.
Ai nuk donte që e fejuara e tij të bënte më këngë të tipit “Telephone”, “Bad romance” apo “Shallow”. Sipas një burimi të “Weekly“, Gaga mendon se Carino e ka shkelur shumë në procesin e saj krijues.
“Ajo nuk mund të rrezikonte karrierën e saj në këtë mënyrë, e aq më pak për një mashkull”, citohet burimi afër këngëtares.
Për më tepër, një tjetër burim është shprehur: “Ai nuk e trajtonte atë mirë në fundin e lidhjes. Ishte xheloz, përpiqej ta rregullonte atë dhe i shkruante shumë. As shoqëria e saj nuk e pëlqente”.
