Për të gjithë ne, shpëtimi i kafshëve është një përgjegjësi e madhe për t’u marrë përsipër. Megjithatë kjo është gjëja më e mirë që mund t’u ndodhë këtyre kafshëve që jetojnë në qendrat e strehimit.
Për të vërtetuar fuqinë e një shtëpie, pronarë krenarë nga e gjithë bota po ndajnë në rrjetet sociale fotot e qenve të tyre para dhe pas shpëtimit.
“Bored Panda” ka mbledhur disa prej këtyre fotove, për të kuptuar ndryshimin e madh që sjell një shtëpi e ngrohtë te këto kafshë.
Nga fytyrat e trishtuara në qelitë e qendrave të strehimit të kafshëve, këto qen ndryshojnë tërësisht. Në Shqipëri mbase adoptimi i kafshëve nuk është aq shumë i përhapur, për të mos folur më tej për keqtrajtimin e tyre.
Mbase pasi të shikoni këto foto do ndryshoni mendim lidhur me adoptimin e kafshëve dhe marrja e kësaj përgjegjësie do ju duket gjëja e duhur për t’u bërë.
