Kreu i Partisë Demokratike Lulzim Basha nga takimi në qytetin e Shkodrës ka zbuluar emrin e deputetit socialist të përfshirë në dosjen 184 që po hetohet nga prokuroria.
Sipas Bashës, Paulin Stërkaj është kapur në pazare vote në përgjimet e dosjes 184.
“Në Dukagjin kemi deputet një ish-trafikant që pastaj është veshur me uniformë policie dhe është kapur pastaj në dosjen 184, duke bërë pazare me Ymer Lalën për të vjedhur bashkinë e Dibrës. Shqipëria e transformuar, Shqipëria e ndryshuar është kjo Shqipëri që do u takojë Elvis Dedëve dhe qindra të rinjve dhe jo Paulin Sterkajve dhe një grushti tjetër kriminelësh që i bëjnë duanë Edi Ramës nga mëngjesi deri në darkë”- tha Basha.
