Një person nga Ballshi është arrestuar dhe një tjetër po procedohet në gjendje të lirë, për zjarret në pyjet dhe kullotat në Mallakastër. 46-vjeçari me inicialet F.N u arrestua pasi dyshohet se ka tentuar të djegë disa shkurre në tokën e tij, por zjarri ka përfshirë gjithë masivin pyjor duke sjellë dëme në një sipërfaqe prej 1 Ha.
Një tjetër banues në Ballsh, 14-vjeçari me inicialet E.N po procedohet penalisht nën të njëjtën akuzë. Për shkak të pakujdesisë, ai dyshohet se duke djegur disa shkurre i ka vënë flakën një sipërfaqeje prej 1 Ha tokë me ullinj.
“Policia vendos përpara përgjegjësisë ligjore autorët e zjarrvënieve në pyje dhe kullota.
Procedohen penalisht dy shtetas për zjarrvënie.
Specialistët për Hetimin e Krimeve në Komisariatin e Policisë Mallakastër, bënë arrestimin në flagrancë të shtetasit:
F.N, 46 vjeç, banues në Ballsh.
Ky shtetas në datën 30.03.2019, në tokën e tij ka vënë zjarr duke djegur disa shkurre të cilat më pas kanë sjellë djegien e një masivi pyjor, pronë e fondit pyjor të Bashkisë Mallakastër, duke sjellë një dëm të konsiderueshëm në pemë të llojit pisha dhe ullinj të një siperfaqe prej 1 Ha.
Gjithashtu u procedua penalisht në gjendje të lirë shtetasi E.N, 14 vjeç, banues në Ballsh.
Procedimi për këtë shtetas filloi pasi në vendin e quajtur “Kodra” në Lavdan , duke djegur disa shkurre, i ka dalë zjarri jashtë kontrollit dhe është djegur rreth 1 Ha tokë me ullinj, pemë të ndryshme dhe shkurre.
Materialet procedurale i kaluan Prokurorisë pranë Gjykatës së Shkallës së Parë Fier për veprën penale “Shkatërrimi me zjarr nga pakujdesia i pyjeve dhe masivit pyjor “.“, thuhet në njoftimin e policisë.
