Tre parti politike në Holandë kërkojnë rikthimin e vizave për shqiptarët. Edhe pse ditën e djeshme ministri i Drejtësisë dhe Sigurisë të Holandës, Ferdinad Grapperhaus, vlerësoi disa prej reformave të qeverisë, gazeta “De Telegraaf” shkruan se Partia Socialiste, Partia për Liri dhe Partia Demokristiane në Holandë kërkojnë rikthimin e vizave për shqiptarët, pasi e shohin këtë si të vetrmen mundësi për të frenuar fenomenin e krimit të organizuar shqiptar në Holandë.
Sipas deputetit Fritsma problemet nisën kur u liberalizuan vizat. ”Për këtë mund të prisje, kriminelët përfitojnë kur s’ka kontrolle”.
Një tjetër deputete, Van Toorenburg e cila bën pjesë në të njëjtën forcë politike si Ministri Grapperhaus, ka kërkuar direkt rikthimin e vizave për Shqiptaret.
”Unë dua të di kë fusim në shtëpi, do vi shumë shpejt një debat me ministrin”. Anëtari i Partisë Socialiste në Kuvendin e Holandës mbështet këtë masë: ”Duhet niset një procedurë emergjente për të rikthyer vizat”.
Në seancën e radhës të planifikuar me tematikën ”krimi organizuar shqiptar në Holandë”, do shohim nëse shumica e deputetëve holandezë do e mbështesë këtë propozim apo jo.
Me këtë diskutim që po bëhet në Holandë, premtimi i hapjes së negociatave në qershor duket të jetë vetëm një ëndërr.
VINI RE: Artikullin origjinal mund ta lexoni duke klikuar këtu
