Vendosni fjalën kyçe....

U thirrën për një predhë, por zbulojnë arsenal municionesh në Pukë (FOTOT)


Pas predhës 120 mm që gjetën punonjësit e bashkisë së Pukës ditën e djeshme, forcat xheniere kanë ndërhyrë vetëm sot, ku kanë zbuluar një arsenal të tërë municionesh.

Ministria e Mbrojtjes bën të ditur se kanë zbuluar 47 granata të fshehura nën dhe. Ato dyshohet se janë lëndë plasëse të cilat janë vjedhur nga depot e Ushtrisë në vitin 1997.

“Ministria e Mbrojtjes dërgoi urgjent një ekip EOD (explosive ordnance disposal) të Forcave të Armatosura në bashkinë e Pukës, ku një ditë më parë punonjësit e gjelbërimit gjetën një predhë 120 mm.

Gjatë kërkimeve dhe krehjes së zonës, xhenierët e Forcave të Armatosura zbuluan 40 granata dore difensive, 6 granata dore ofensive si dhe një granatë dore me bisht.

Nga verifikimet paraprake, dyshohet që këto municione të kenë dalë nga depot e FA dhe të jenë hedhur në zonë gjatë trazirave të vitit 1997, duke u shndërruar në një rrezik serioz për jetën e banorëve”, thuhet në njoftimin e Ministrisë së Mbrojtjes.


Leave a Reply

Your email address will not be published. Required fields are marked *