Kreu i opozitës Lulzim Basha ka publikuar dokumentit ku tregohet firmosja e lënies së mandatit.
“Nuk ka kthim pas!
Nesër së bashku si qytetarë të lirë para Parlamentit, ora 10.00“-shkruan Basha në Instagram.
Në dokumentin që deputetët e opozitës po firmosin shkruhet qartësisht se kërkohet një qeveri tranzitore dhe zgjedhje të parakohshme parlamentare. 4 kërkesat e opozitës janë: Zgjedhje të parakohshme të përgjithshme, zgjedhje të lira dhe të ndershme, krijimi i klimës së besimit për Reformën në Drejtësi dhe përshpejtimi i negociatave për anëtarësimin në BE.
