Banorët e Laknasit kanë zhvilluar sot një protestë kundër Ujësjellës-Kanalizimeve të Tiranës (UKT). Arsyeja e kësaj proteste është mosmarrja e shërbimeve nga kjo ndërmarrje .
Sipas banorëve, 70% e tyre nuk furnizohen fare me ujë, ndërsa për 30% të tyre, uji shkon në banesë vetëm 20 minuta në ditë me orare të papërcaktuara.
Ata i kanë vënë një ultimatum kësaj ndërmarrjeje duke i vënë afat 6 ditor që t’u kthehet përgjigje kërkesave të tyre. Nëse brenda këtij afati kohor, banorët do të ndeshen me indiferencën e “UKT”-së, atëherë ata do të përshkallëzojnë protestën deri në bllokimin e stacionit të pompave.
Për realizimin e kërkesa të tyre, banorët kanë bërë dhe një peticion drejtuar Ujësjellës Kanalizimeve Tiranë.
Kërkesat e banorëve të Laknasit
- Furnizim të plotë më ujë të gjithë familjeve me ujë të pijshëm
- Riparimin e rrjetit ekzistues për faktin pasi ujërat derdhen në sipërfaqe në rrugët e zonës
- Kalimin e stacionit të pompave në administrim të Ujësjellës Kanalizime Kamëz
