Banorë të Rrogozhinës si dhe të zonave përreth kanë bllokuar autostradën Kavajë-Lushnje, në të dy anët e saj, pranë rrethrrotullimit të Rrogozhinës.
Mësohet se ata protestojnë për situatën ekonomike dhe sociale që po përjeton vendi, duke iu përgjigjur kështu thirrjes së opozitës për protestë.
Protestuesit ankohen për rritjen e çmimeve dhe mungesën e punësimit dhe largimin e të rinjve që nuk e shohin prespektiven në Shqipëri.
“Ne protestojmë për studentët, për punën e naftës sepse është shtrenjtë. Kanalet vaditëse që nuk janë pastruar. Edi Rama duhet të largohet sa më parë”– tha një protestues.
Mësohet se eskorta e kryeministrit Edi Rama është bllokuar nga qytetarët në rrethrrotullimin e Rrogozhinës, ndërsa ishte nisur për në Lushnje duke e detyruar kështu të devijojë rrugë.
