Dekani i Fakultetit Juridik, Artan Hoxha, i ka kërkuar ministres së Arsimit, Shahini, mjedisë të reja për zhvillimin e mësimit të fakultetit që drejton me pretendimin se shumica e studentëve kërkon të bëjë mësim.
Ai shtoi se shkak për këtë kërkesë është bërë protesta e studentëve që ka bllokuar një pjesë të mjediseve të Fakultetit të Drejtësisë.
“Duam ambiente të tjera për të bërë mësim, pasi këtë e kërkon shumica e studentëve. Ambientet tona ne i kemi të bllokuara për shkak të ngujimit të një pjese studentësh.”– ka deklaruar Hoxha.
Emri i tij ka qarkulluar së fundmi në një video në rrjetet sociale, ku Hoxha shihet teksa organizon një takim me një pjesë studentësh, duke u bërë shantazh që të braktisin protestën dhe t’i kthehen mësimit.
Ditën e sotme në Fakultetin e Drejtësisë pati një përplasje mes disa studëntëve që kërkonin të futeshin brenda dhe atyre protestues që janë ngujuar brenda godinës.
