Vendosni fjalën kyçe....

Partizani bën përforcimin e rëndësishëm, e “peshkon” në SHBA


Kur nga merkato e dimrit ka mbetur edhe një javë, Partizani ka afruar në radhët e tij mesfushorin me origjinë shqiptare, Dilaver Dilly Duka.

Duka ka luajtur në kampionatin profesionist të SHBA-së, MLS dhe ka mbajtur fanelën e ekipeve si Columbus Crew, Montreal Impact, New York Red Bulls dhe Chicago Fire.

Duka do të provojë eksperiencën e parë në kampionatin tonë dhe do të mbajë në fanelë numrin 28. Duka do luajë me të kuqtë për pjesën e mbetur të sezonit me mundësi rinovimi edhe sezonin që vjen.

“Klubi njofton arritjen e marrëveshjes me Dilaver Dilly Dukën. Kontrata e firmosur me drejtuesit e klubit do të jetë e vlefshme për pjesën e mbetur të këtij sezoni futbollistik me opsion rinovimi edhe për vitin e ardhshëm.

Mesfushori shqiptar gëzon një karrierë të suksesshme në kampionatin profesionist të Shteteve të Bashkuara të Amerikës ku ka qenë pjesë e ekipeve elitare New York Red Bulls dhe Chicago Fire. Duka do të provojë eksperiencën e parë në kampionatin tonë dhe do të mbajë në fanelë numrin 28.” – thuhet në njoftimin e klubit.


Leave a Reply

Your email address will not be published. Required fields are marked *