Vendosni fjalën kyçe....

“Rama ka zgjedhur rrugën e konfliktit me opozitën, pengesa e vetme për në BE” – LSI


Lëvizja Socialiste për Integrim i bën thirrje kryeministrit Rama dhe shumicës që të ulen në dialog me opozitën në këtë moment kyç të vendit.

Në një deklaratë për mediat, deputetja Gjosha, tha se për të çuar më tej reformën në drejtësi dhe sfida e tjera të domosdoshme për çeljen e negociatave të vendit me BE-në, është i domosdoshëm dialogu.

Më tej ajo tha se kreu i qeverisë, Rama, ka zgjedhur konfliktin në vend të dialogut dhe ai është e vetmja pengesë në këtë proces duke qenë se në vend të platformave, ka zgjedhur rrugën e memeve vulgare.

Deklarata e Gjoshës

Jam sot këtu në emër të Lëvizjes Socialiste për Integrim për një çështje madhore, prioritetin e çdo prioriteti që është procesi i integrimit evropian të Shqipërisë.

Duke marrë shkas nga deklaratat e komisionerit Hahn, si dhe nga mesazhett e rëndësishme të dhëna sot gjatë ceremonisë së Presidencës rumune nga ambasadori i delegacionit evropian në Shqipëri, Z. Sorecca për dialog konstruktiv mes partive për reformat kyçe, dëshiroj ti bëj thirrje të gjitha palëve politike, se Shqipëria nuk ka më asnjë moment për humbur për çeljen e bisedimeve për anëtarësim.

Qershori është jetë a vdekje për një proces jetik, siç është procesi i integrimit europian.

Lëvizja Socialiste për Integrim, ashtu siç është shprehur edhe nëpërmjet rezolutës që u miratua në Konventën Kombëtare, është e gatshme të bëjë çdo sakrificë për të çuar përpara këtë aspiratë të çdo shqiptari.

Sfidat që kemi përpara nesh, si vazhdimësia e Reformës në Drejtësi me zgjedhjen e Kryeprokurores së Përgjithshme, ngritjen e Gjykatës Kushtetuese dhe Gjykatës së Lartë, ngritjen e SPAK-ut dhe Byrosë së Hetimit, Reforma Zgjedhore dhe eliminimin e shitblerjes së votës, kërkojnë përgjegjshmëri të lartë politike si detyrim ndaj qytetarëve shqiptarë.

Konstatojmë se Kryeministri i Shqipërisë, ka zgjedhur konfliktin në vend të dialogut, ka zgjedhur provokimin në vend të komunikimit dhe interesat dhe prioritet të tjera dhe jo ato evropiane dhe euroatlantike.

Është e qartë për të gjitha shqiptarët që procesi i integrimit europian dhe objektivi madhor i çeljes së negociatave kanë vetëm një pengesë që është Kryeministri, i cili ka zgjedhur në vend të platformave dhe objektivave të integrimit, gjuhën e memeve vulgare.

LSI do vazhdojë me këmbëngulje të pandryshuar të mbështesë vetëm një axhendë, atë të integrimit europian dhe të refuzojë axhenda të tjera të errëta.

Sot është dita që çdo politikan, çdo parti politike qoftë opozitë apo qeveri, të dalë mbi interesat e ngushta dhe të vërë përpara çdo gjëje të ardhmen e Shqipërisë dhe të shqiptarëve, të cilat janë të lidhura pazgjidhshmërisht me Europën.


Leave a Reply

Your email address will not be published. Required fields are marked *