Trupi i Vladimir Leninit duhet të lihet në mauzoleun në Sheshin e Kuq, pasi ka probleme shumë më të rëndësishme për Rusinë për të zgjidhur, thanë ligjvënësit në 95 vjetorin e vdekjes së udhëheqësit të Revolucionit të vitit 1917.
Lenini vdiq më 21 janar 1924, pasi nuk e mori dot veten, sipas mjekëve të asaj kohe pas një tentative vrasjeje disa vite më parë.
Pas vdekjes së tij, përkundër kundërshtisë nga ana e bashkëshortes, trupi i 53-vjeçarit u mumifikua dhe u vendos në një mauzole në zemër të Moskës.
Kufoma e kreut të Bolshevik ka mbetur atje prej vitesh, por që nga rënia e Bashkimit Sovjetik më 1991, ka shumë zëra që kërkojnë që ajo të hiqet dhe të vendoset në një varr normal.
Varrosja e shefit bolshevik duhet të jetë më së paku nga shqetësimet e Rusisë, pasi “ka shumë probleme të brendshme në vend. Ne jemi në një situatë të vështirë në arenën ndërkombëtare.” – tha deputeti i Partisë Komuniste, Yiry Afonin.
“Ata që e promovojnë këtë çështje janë provokatorë, janë duke punuar për të ndarë shoqërinë.” – tha ai, duke shtuar se sondazhet tregojnë se më shumë se gjysma e rusëve kundërshtojnë varrosjen e Leninit në tokë.
