Vendosni fjalën kyçe....

Pedagogët e Histori-Filologjisë të hënën në grevë, lista me kërkesat e tyre


Ditën e hënë do të jenë në grevë të gjithë pedagogët e fakultetit të Histori-Filologjisë do të jenë në grevë. Ky është vetëm një nga vendimet e marra sot në mbledhjen e Asamblesë së këtij fakulteti. Në një deklaratë ata shprehen se duhet abroguar ligj për Arsimin e Lartë, duhet në anulohen disa VKM, pasi shkelin autonominë universitare.

 LETRA E PLOTË

Asambleja e Personelit Akademik të Fakultetit të Historisë dhe të Filologjisë, e mbledhur sot më datë 18 janar 2018, me kërkesën e një të tretës së personelit akademik, në përputhje me nenin 45 të Statutit të Universitetit të Tiranës, diskutoi mbi gjendjen e krijuar në universitetet publike të vendit dhe rikonfirmoi përkrahjen për kërkesat e studentëve, duke dënuar çdo formë presioni ndaj tyre. Asambleja kërkonː

1. Abrogimin e Ligjit për Arsimin e Lartë, si shkaktari kryesor i gjendjes aktuale të krijuar në institucionet e Arsimit të Lartë.

2. Shpreh kundërshtinë me aktet nënligjoreː

˗ VKM˗të e datës 26 dhjetor 2018ː Nr.777, Nr.781, Nr.783, si dhe
˗ urdhrat e Kryeministrit të datës 26 dhjetor 2018ː Nr.183, Nr.184, Nr.185 dhe Nr.186.
Këto akte dhe urdhra cenojnë rëndë autonominë e IAL-ve dhe liritë akademike të profesoratit, në këto pika:

a. Autonominë në vlerësimin e punës shkencore dhe të karrierës akademike.
b. Liritë akademike të profesoratit në përcaktimin e përmbajtjes së njohurive që jepen në auditor.
c. Shkelin plotësisht konventat europiane për autonominë universitare dhe liritë akademike.

3. Kërkojmë ndalimin e fushatës denigruese dhe të përbaltjes masive të trupës akademike universitare nga aktorë politikë dhe qeveritarë, që synon intimidimin e fjalës së lirë.

4. Kërkojmë të sanksionohet me ligj statusi i pedagogut.

5. Në përgjigje të kërkesës së Asamblesë së personelit akademik të Fakultetit të Shkencave Sociale, Universiteti i Tiranës, propozojmë që përfaqësues të asambleve të personelit akademik të Universitetit të Tiranës të mblidhen për të koordinuar veprimet e mëtejshme.

6. Për të tërhequr vëmendjen urgjente ndaj këtyre kërkesave, Asambleja vendosi të shpallë ditën e hënë, datë 21 janar 2019, një ditë grevë paralajmëruese të pedagogëve të Fakultetit të Historisë dhe të Filologjisë.

Asambleja e Fakultetit të Historisë dhe të Filologjisë

 

 

 

 

 

 

 


Leave a Reply

Your email address will not be published. Required fields are marked *