Vendosni fjalën kyçe....

Hahn në Kosovë, takon Haradinajn: Këtë vit zgjidhen çështjet e hapura


Komisioneri i Bashkimit Evropian për Zgjerimin Johanes Hahn ishte për një vizitë në Kosovë ku takoi kryeministrin Ramush Haradinaj.

“Vizita e parë e vitit 2019 në rajon: Prishtina e bardhë. Pata një diskutim të mirë dhe të hapur me kryeministrin Haradinaj dhe ministrat. Po shikojmë mundësitë të punojmë ngushtë sivjet për të gjitha çështjet e hapura, në mënyrë që Kosova të mund të përparojë në rrugën e saj evropiane”, shkroi në Twitter Johanes Hahn.

As kryeministri Ramush Haradinaj nga ana e tij nuk foli për mediat, ndërsa, në një postim të shkurtër në profilin e tij në facebook, ai shkroi se: “Në takim me Komisionerin e BE-së për Zgjerim, Johannes Hahn, ritheksova se pozicioni i Kosovës është i palëkundur në rrugën e integrimeve drejt BE-së.

Në këtë drejtim, kemi shënuar progres në agjendën europiane dhe pas përmbushjes në tërësi të kritereve për liberalizim, presim një vendim të shpejtë, që të na njihet e drejta e lëvizjes së lirë”, shkroi kryeministri Haradinaj.

 


Leave a Reply

Your email address will not be published. Required fields are marked *