Vendosni fjalën kyçe....

Londra e shqetësuar për shtetasit e saj në Rusi, pas arrestimit të “spunit” amerikano-britanik


Britania paralajmëroi Rusinë të premten që të mos i përdorë qytetarë të veçantë si peng të një “loje shahu” diplomatike.

Sekretari i Jashtëm britanik Jeremy Hunt i bëri komentet pas ndalimit në Moskë të një personi me shtetësi të dyfishtë amerikane e britanike nën akuzat për spiunazh, transmeton Zëri i Amerikës.

Hunt tha se ishte jashtëzakonisht i shqetësuar për shtetasin Paul Whelan, i cili u ndalua në Moskë të premten e kaluar nga Shërbimi rus i Sigurimit Shtetëror (FSB).

FSB-ja ka hapur një çështje penale kundër Whelan, por nuk ka dhënë asnjë detaj rreth aktivitetit të tij të supozuar për spiunazh. Familja e tij ka thënë se ai ndodhej në Moskë për të marrë pjesë në dasmën e një ish-marinsi në pension dhe se është i pafajshëm.

I pyetur nëse qytetarët e tjerë britanikë që ndodhen në Rusi duhet të shqetësohen për sigurinë e tyre, Hunt tha se “kjo është diçka në shqyrtim e sipër”.


Leave a Reply

Your email address will not be published. Required fields are marked *