Një aksident i rëndë është regjistruar në mëngjesin e sotëm në Danimarkë, ku një tren pasagjerësh është përplasur me rimorkion e një kampioni.
Ngjarja ka ndodhur në urën që lidh dy ishujt kryesorë danezë, Fynenin me Zaelandën, ndërsa për shkak të erës së fortë, rimorkioja e kamionit u shkëput dhe u përplas me trenin e pasagjerëve.
Autoritetet raportuan për 6 persona të vdekur dhe rreth 16 të tjerë të plagosur, ndërsa në tren thuhet se po udhëtonin 131 persona.
Moti i keq vështirësoi edhe operacionin e e personelit të emergjencave, ndërsa pamjet televizive treguan se rimorkioja që u përplas me trenin, kishte logon e prodhuesit danez të birrës, Carlsberg.
Ura mbeti e mbyllur për trenat gjatë ditës, ndërsa qarkullimi i makinave në të dy drejtimet rifilloi pas pak minutash. Operatori hekurudhor danez Banedanmark tha se nuk priste që trafiku hekurudhor të rifillojë përpara të enjtes.
