Studentët i kanë vënë sot shiritin Fakultetit të Drejtësisë për të ndaluar hyrjen në mësim. Përmes këtij shiri, studentët kanë rrethuar hyrjen në fakultet për të mos lënë studentët të kalojnë.
Ditën e sotme pritet protesta massive në kryeqytet, pas paralajmërimit të studentëve për përshkallëzimine protestës së tyre.
Studentët kanë vendosur të bllokojnë sot akset kryesore në kryeqytet, duke e konsideruar këtë si një nga të vetmet gjëra që u ka mbetur për të bërë, pasi kërkesat e tyre nuk po marrin një përgjigje nga kryeministri Edi Rama.
“Mendoj se bllokimi i rrugëve është gjëja e vetme që na ka ngelur, përderisa kryeministri vazhdon të na injorojë e vazhdon em ato statuset ne Facebook e Instagram. Besoj se është e vetmja gjë që na ka ngelur, Sbesoj se ka mënyrë tjetër që të na dëgjojë. Kjo është ajo që ne duam, një protestë paqësore.”, tha një studente sot për mediat.
