Kreu i PD-së Lulzim Basha ka zgjedhur që në shoqërinë e bashkëshortes dhe deputetëve Bardh Spahia e Agron Shehaj, të festojnë festën e Pavarësisë në Milano.
Në Facebook Basha shkruan: “Shumë i lumtur të jem me komunitetin shqiptar në Milano për të kremtuar bashkë Ditën e Flamurit! 🇦🇱✌”
Basha në fjalën e tij, ka falënderuar shqiptarët e Milanos për pritjen dhe u ka uruar atyre festën e pavarësisë. Kryedemokrati u shpreh se në Milano kishte gjetur një Shqipëri tjetër, ndërsa shtoi se kudo që kishte shqiptarë, ishte një Shqipëri tjetër.
