Kryeministri Edi Rama ka reaguar për heqjen e simbolit të 100 vjetorit të Pavarësisë në hyrje të kryeqytetit duke e quajtur një vulgaritet që kishte hipur në një piedestal.
Më tej Kryeministri në një postim në Twitter shkruan se “shqiponja” ishte vendosur në mesin e një skenografie pseudoklasike prej hyrjeje në kazino.
“Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund”- shkruan Rama.