Një 45-vjeçar i arrestuar dhe që mbahej në qelitë e paraburgimit ka ndërruar jetë.
45-vjeçari i quajtur Dritan Rica, mbahej në dhomat e paraburgimit të Komisariatit të Policisë Nr.3.
Sipas policisë, i ndaluari nuk ka shenja dhune në trup dhe paraprakisht dyshohet të ketë ndërruar jetë për shkak të një arresti kardiak.
“Më datë 24.10.2018, rreth orës 04:45, në ambjentet e dhomave të paraburgimit të Komisariatit të Policisë Nr.3, ka ndërruar jetë i ndaluari D. R., 45 vjeç.
Nga kqyrjet paraprake në trup nuk rezulton të ketë shenja dhune apo dëmtime të tjera. Paraprakisht dyshohet se mund të ketë ndërruar jetë si pasojë e ndonjë arresti kardiak.
Pritet raporti i mjekut ligjor për përcaktimin e shkakut të vdekjes.”, thuhet në njoftimin e policisë.
Rica ishte shoqëruar ditën e djeshme nën akuzat për vjedhje dhe rezulton që të jetë i dënuar edhe më parë për të njëjtën akuzë.
