Vendosni fjalën kyçe....

Bllokohen 2.5 ton peshk e karkaleca të ngrirë në Tiranë, 500000 lekë gjobë biznesit


Rreth 2.5 ton peshk janë bllokuar sot në një subjekt në Tiranë, pas kontrolleve intensive të Autoritetit Kombëtar të Ushqimit (AKU).

Sipas AKU-t, në subjektin “ALB ORCA”, në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes.

Përpos bllokimit të produktit,është vendosur edhe një masë administrative prej 500.000 lekësh.

 “AKU KONTRROLL NË MAGAZINA FRIGORIFERIKE, BLLOKON 2.5 TON PESHK E KARKALECA TË NGRIRË Autoritetit Kombëtar i Ushqimit vijon masat e intensifikuara të kontrollit, ndaj subjekteve të ndryshme operator të biznesit ushqimor, specifikisht edhe në magazina frigoriferike. Kështu gjatë një kontrolli në subjektin “ALB ORCA”, në Tiranë, me aktivitet “Magazinë Frigoriferike” u konstatua dhe u bllokua sasia prej 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjieno-sanitare jo konforme); gjithashtu subjekti nuk dispononte dokumentacionin e duhur për gjurmueshmërinë e produktit. Për sa më sipër ndaj subjektit u morën masa administrative me gjobë, 500.000 lekë si dhe bllokim i produktit deri në asgjësim. Autoritetit Kombëtar i Ushqimit inkurajon: – operatorët e biznesit ushqimor që të përmbushin kërkesat rregullatore, ndër të cilat është edhe verifikimi i produkteve që prodhojnë, përpunojnë, shpërndajnë apo nxjerrin në treg nëse janë apo jo në përputhje me kërkesat e sigurisë ushqimore dhe nëse i konstatojnë ti heqin menjëherë nga tregu dhe të informojnë menjëherë AKU”, thuhet në njoftimin e policisë.


Leave a Reply

Your email address will not be published. Required fields are marked *